做歌人Podcast by Robin@Mixodus

專為講廣東話，想學音樂製作、錄音、編曲、混音嘅朋友而設嘅 Podcast。無論你係完全新手、Bedroom Producer，或者已經開始用 Home Studio 做歌，都可以喺呢度搵到實用又容易吸收嘅技巧。好多初學者會覺得做音樂好複雜：器材要點揀？錄音成日爆聲？GarageBand、Logic Pro 用到唔知乜嘢係乜？點樣先可以令一首 Demo 聽落更專業？呢個節目的目的，就係幫你解開呢啲疑問。每一集我都會用輕鬆、貼地嘅方式，分享：- Home Studio 錄音基本設定、咪高峰用法、收音技巧- 編曲方向、樂器層次選擇、Workflow 改善- EQ、Compressor、Reverb、Delay 等混音概念與示範- 做歌人常見錯誤與簡單解決方法- 點樣令你嘅音樂作品「更似成品」節目內容唔會太技術化，全部都係你喺屋企做歌會即刻用得着嘅知識。我會用簡單例子同真實工作流程，帶你慢慢建立屬於自己嘅音樂製作方式。我相信每個人都可以用最基本嘅器材，在家做到「專業感」嘅作品。你唔需要十萬蚊設備，只需要清晰方向、持續練習同少少耐性。如果你一直想開始做音樂、想提升作品質素、或者想了解音樂幕後點運作，《做歌人Podcast》會係你一路同行嘅節目。拉張凳，坐定定，一齊走入做歌人嘅世界，做個做好歌嘅人。